Skip to content
25 Shkurt, 2022 25 Shkurt, 2022
Post navigation
Në zbatim të detyrimeve dhe përgjegjësive ligjore, shërbimet e Policisë Bashkiake, në bashkëpunim me Policia e Shtetit, që në orët e para të mëngjesit të sotëm, kanë mbështetur kërkesat dhe punën e instituticioneve përkatëse të Bashkia Tirane, për kryerjen e detyrave të tyre ligjore, për prishjen e ndërtimeve të shpronësuara dhe lirimin e sheshit të ndërtimit në zonën e “5 Majit”, në kuadër të “Projektit të Rindërtimit”. Gjatë aksionit, forcat e Policisë janë përballur me rezistencë të banorëve të zonës, ku disa prej tyre ndër të tjera, kanë hedhur edhe gurë, sende të forta dhe lëndë djegëse, në drejtim të forcave të policisë, ku si pasojë është rrezikuar seriozisht jeta dhe shëndeti i punonjësve në detyrë. Pesë punonjës të Policisë së Shtetit dhe tre punonjës të Policisë Bashkiake janë dëmtuar fizikisht dhe kanë marrë ndihmë mjeksore në spital. Në përfundim të realizimit të detyrës, janë kryer kallëzimet përkatëse ndaj autorëve të veprave penale, pranë strukturave të Policisë së Shtetit, për kundërshtimin me dhunë dhe goditjen për shkak të detyrës së tyre shtetërore. Nuk ka asnjë justifikim, e nuk mund të vazhdojë më, shitja e produkteve ushqimore dhe jo vetëm, pa lejen përkatëse të Bashkisë së Tiranës, përtokë në rrugë, trotuare, sheshe, pa asnjë kusht higjeno-sanitar, e për sa kohë tregjet e Bashkia Tiranë, janë kudo, në cdo Njësi Administrative. Ndaj shërbimet e Policisë Bashkiake, do të vazhdojnë të monitorojnë çdo ditë qytetin, për të orientuar në këto tregje tregtarët ambulante, por dhe duke ndëshkuar me masa administrative të pabindurit në këtë aktivitet të paligjshëm.
